17 vieraśnia na «Art Siadzibie» — supolnaje vykanańnie lehiendarnaha «Narodnaha alboma». Zaprašajucca ŭsie achvotnyja!
Dvaccać hadoŭ tamu naradziŭsia «Narodny albom» — kultavy muzyčny prajekt, pryśviečany žyćciu zachodniebiełaruskaha miastečka ŭ mižvajenny pieryjad. Adnak u peŭnym sensie hetyja dvaccać siem piesień apisvajuć žyćcio luboha biełarusa ŭ luby čas, poŭnaje dramy, viesiałości i varjactva. Mnohija ź ich stali sapraŭdy narodnymi, usie jany zastajucca aktualnymi. Kab razam adśviatkavać jubilej hetaha nieŭmiručaha tvora, zaprašajem supolna vykanać «Narodny albom»!
Biarycie z saboju muzyčnyja instrumienty (kali majecie), śpieŭny nastroj i prychodźcie!
Zaśpiavajma razam!
Važnaja remarka: kali źbieraciesia pryjści, pažadana zapisacca ŭ supołcy, kab arhanizatary zmahli raźličyć miescy ŭ pamiaškańni.
Miesca: prastora «Art Siadziby» (Minsk, pr-t Mašerava, 18)
Čas: 17 vieraśnia, 19.00