«Kožny zakonaprajekt takoha rodu vyklikaje sumnievy», — tak upaŭnavažany pa pravach čałavieka ŭ Polščy Adam Bodnar prakamientavaŭ prajekt zakona pa baraćbie z prablemaj FAS (fietalny ałkaholny sindrom, abo ałkaholny sindrom płoda), paviedamlaje Radyjo Polšča.
Na minułym tydni ŝpaŭnavažany pa pravach dziciaci Marek Michalak źviarnuŭsia da prezidenta Dudy z prośbaj pryniać miery pa abaronie nienarodžanych dziaciej ad nastupstvaŭ užyvańnia ałkaholu ich maci. Zhodna z prapanavanym zakonaprajektam, pa rašeńni suda ciažarnaja žančyna, jakaja ŭžyvaje ałkahol, pavinna być nakiravanaja na prymusovaje lačeńnie.
«Heta forma pazbaŭleńnia asabistych svabodaŭ. Ci adekvatnaja hetaja miera toj hramadskaj prablemie, jakuju my chočam vyrašyć? Upaŭnavažany pa pravach dziciaci śćviardžaje, što prafiłaktyčnyja prahramy nie prynieśli vynikaŭ, i tamu treba vykarystoŭvać bolš mocnyja srodki. Adnak, ci sapraŭdy my zrabili ŭsio, što mahli?» — skazaŭ Adam Bodnar.
Adznačym, što, pa słovach upaŭnavažanaha pa pravach dziciaci, štohod u Polščy naradžajecca 9 tysiač dziaciej z FAS.
