Biełaruś u bližejšym budučym płanuje pavialičyć abjom pierapracoŭki nafty na NPZ ź ciapierašnich 21,5 młn.t da 25 młn.t u hod. Krychu mienš za pałavinu hetaha abjomu budzie pierapracoŭvać AAT "Mazyrski naftapierapracoŭčy zavod". Ab hetym paviedamiŭ pieršy vice-premjer Biełarusi Uładzimir Siamaška na schodzie pracoŭnaha kalektyvu pradpryjemstva napiaredadni prafiesijnaha śviata — Dnia rabotnikaŭ naftavaj, hazavaj i paliŭnaj pramysłovaści, što adznačajecca 7 vieraśnia.
Uładzimir Siamaška vyłučyŭ try asnoŭnyja zadačy, jakija kalektyvu zavoda nieabchodna vyrašyć u bližejšyja 2-3 hady. Akramia naroščvańnia abjomaŭ pierapracoŭki nafty, MNPZ pavinien značna palepšyć jakaść vypuskajemaj pradukcyi, heta značyć, pavialičyć da 2011 hoda hłybiniu pierapracoŭki nafty da 92-93 pracentaŭ. Heta daść mahčymaść atrymlivać dadatkova $120 prybavačnaj vartaści z kožnaj tony pierapracavanaj syraviny. I, narešcie, nieabchodna va ŭstanoŭlenyja terminy realizavać prajekt pa stvareńni kompleksu pa vytvorčaści paraksiłołu. Arhanizacyja ajčynnaj vytvorčaści paraksiłołu daść mahčymaść bolš poŭna zahruzić vytvorčyja mahutnaści AAT "Mahiloŭchimvałakno" i ŭ vyniku atrymać maksimalny ekanamičny efiekt ad pierapracavanaj nafty ŭ maštabach krainy.
