Minzdaroŭja: Sioleta źjaviŭsia novy štam hrypu

U 2017 hodzie ŭ Biełarusi płanujuć pryščapić suprać hrypu nie mienš za 40% nasielnictva krainy, h.zn. bolš za 3,8 młn čałaviek, paviedamlaje Tut.by sa spasyłkaj na sajt Ministerstva achovy zdaroŭja.

Pa prahnozach Suśvietnaj arhanizacyi achovy zdaroŭja (SAAZ) u hetym epidemičnym siezonie na terytoryi Paŭnočnaha paŭšarja buduć cyrkulavać try štamy virusa hrypu, papiaredžvaje Ministerstva achovy zdaroŭja.

Adzin ź ich novy novy, jaki raniej nie cyrkulavaŭ šyroka, i imunitet da jaho ŭ nasielnictva nie sfarmavany: A/Michigan/45/2015 (H1N1) pdm09-like virus.

Dva štamy virusa anałahičnyja letašnim: A / Hong Kong / 4801/2014 (H3N2) - like virus, B / Brisbane / 60 / 2008- like virus (B / Victoria lineage).

U 2017 hodzie ŭ Biełarusi biaspłatna buduć pryščaplać rasijskaj vakcynaj «Hrypoł plus», a za srodki pradpryjemstvaŭ, arhanizacyj i hramadzian - taksama rasijskaj «Ultravak», niderłandskaj «Influvak» i francuzskaj «Vaksihryp». Vakcynacyja pavinna zaviaršycca da 1 śniežnia.

0

0

0

0

0

0

Pavodle Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH