U centry Kijeva vybuchnuŭ aŭtamabil, zahinuŭ čačenski dobraachvotnik, jaki vajavaŭ za Ukrainu 8

U centry Kijeva kala Biesarabskaha rynku na vulicy Paŭła Skarapadskaha vybuchnuŭ aŭtamabil Toyota Camry, paviedamlaje UP.

UP

U vyniku vybuchu zahinuŭ Cimur Machaury, jaki znachodziŭsia ŭ mašynie — udzielnik čačenskaha dobraachvotnickaha bataljona imia Džachara Dudajeva, jaki vajavaŭ u zonie ATA.

U mašynie taksama byli žančyna ź dziciem. Pa słovach śpikiera MUS Ukrainy Arcioma Šaŭčenki, žančyna atrymała surjoznyja ranieńni, za jaje žyćcio zmahajucca daktary. Žyćcio dziciaci pa-za niebiaśpiekaj, surjoznych traŭmaŭ u jaho niama.

Pavodle papiaredniaj infarmacyi, spracavała mahutnaje vybuchovaje prystasavańnie, zakładzienaje ŭ aŭtamabil.

Zahinuły byŭ hramadzianinam Hruzii. 

Cimur Machaury

Pravaachoŭniki raspačali spravu pa fakcie naŭmysnaha zabojstva, niebiaśpiečnaha dla žyćcia mnohich ludziej.

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH