Nie tak daŭno my pisali pra mahčymaści, što isnujuć u Minsku dla moładzi, jakoj niecikava zajmacca tolki vučobaj, a mejnstrymnyja miescy ŭžo padnadakučyli. Ciapier ža vyrašyli prapanavać varyjanty tvorčych zaniatkaŭ, jakija padyduć nie tolki maładzionam i tynejdžaram, ale i ludziam «troški za tryccać».
I choć sučasny śviet vielmi dynamičny i zahružany, mnohija paśpiachovyja ludzi adznačajuć, što časta, kab usio paśpiavać, važna raznastaić svaju dziejnaść. Dy i dadatkovaja samaadukacyja — štuka karysnaja. Tamu raim pastaracca adšukać choć kryšku volnaha času dy znajści sabie jašče adzin zaniatak pa dušy. Nižej prapanujem varyjanty, jak siabie realizavać u tvorčym ci adukacyjnym kirunku, mahčyma, niešta ź ich vam prydasca cikavym.
Speak English, please
Navučyciesia ŭrešcie razmaŭlać pa-anhlijsku. Vy, peŭna, vydatna razumiejecie, što anhlijskaja mova — ci nie samy nieabchodny skill nowadays.
Vučyć anhlijskuju možna roznymi šlachami, ale niama sumnievaŭ, što vučyć jaje treba. Mnohim składana prymusić siabie rabić heta samastojna, dy i ciažkavata abychodzicca biez padkazak i dapamohi daśviedčanych.
My prapanujem źviarnucca da admysłoŭcaŭ škoły 5 o'clock English. Chto daŭno čytaje «NN», viedaje, što łabirujem my nie ŭsich zapar, a tych, kamu daviarajem i sami vysoka aceńvajem. Što nakont «Fajv okłok», to hetyja kursy ad samaha pačatku ich isnavańnia naviedvaje adzin z žurnalistaŭ «NN» Illa Paraskievič.
«Zajmajusia troški bolej za hod, i vyrazna adčuvaju, jak źmianiŭsia moj uzrovień za hety čas, jak pašyryŭsia słoŭnikavy zapas… Sprava ŭ tym, što ŭ hetaj škole maleńkija hrupy — maksimum vosiem čałaviek, i zaniatki ładziacca z aporaj na kembrydžski mietad, tamu my davoli chutka pierachodzim, naprykład, z pre-intermediate na intermediate».
Jašče adna fiška 5 o'clock English u tym, što tam zajmajucca ludzi darosłyja, navat padletkaŭ niama. Tamu vy nie budziecie adčuvać siabie «starykanam» siarod dziaciej: i navučency, i vykładčyki — usie stasujucca na roŭnych i padychod u navučańni vykarystoŭvajecca adpaviedny: niefarmalny i bieź cieniu prymusu abo cisku.
Pryjemny bonus: zasnavalniki 5 o'clock English padtrymlivajuć biełaruskuju movu i prapanujuć čytačam, jakija źviernucca da ich pa-biełarusku, źnižku 12% na pieršy siemiestr.
Kali vy adčuvajecie žadańnie i nieabchodnaść vučyć anhlijskuju, pasprabujcie źviarnucca ŭ «Fajv o`kłok» (+375(44) 565-58-75). Tym bolej, što probny zaniatak u ich biaspłatny.
«Hraj! Śpiavaj…»
«Śpiavajcie, ludzi, pieśni sonca, bo pieśni sonca — heta mocna…». Nie chočacie pra sonca — śpiavajcie pra inšaje. Nie ciahnie da śpievaŭ — pasprabujcie hrać. Sapraŭdy ž, možna zvarjacieć, kali ŭvieś čas siadzieć u ofisie abo zajmacca tolki fizičnaj pracaj.
Muzyčnaja škoła «Forte» — novy prajekt, prosta stvorany pad patreby darosłych i zaniatych ludziej. Zasnavalniki škoły prapanujuć kursy vakału, ihry na hitary dy fartepijana. Samaje fajnaje ŭ padychodzie stvaralnikaŭ škoły — akcent na svabodu. Zajmacca možna pačynać u lubuju paru hoda, skončvać taksama možacie ŭ luby čas. Navat možna pryjści ŭ škołu z metaj vyvučyć adnu ŭpadabanuju pieśniu, dla siabie ci kab zrabić pryjemnaje blizkamu čałavieku. Vyvučeńnie adnoj pieśni na hitary z nula, jak adznačajuć vykładčyki, zajmaje ŭ siaredniestatystyčnaha vučnia mieniej za miesiac.
Raskład u «Forte» padbiaruć admysłova pad vas. Pracujuć tut śpiecyjalisty, darečy, nie pakładajučy ruk: z 9-j ranku i da 23-j viečaru. Zajmacca možna indyvidualna abo ŭ pary z kimści, chto vam pryhlaniecca. Navučańnie ŭ hrupach bolš za dva čałavieki nie praktykujecca. I samaje cikavaje: trapić na zaniatki — ci to pa ihry na instrumientach, ci to pa vakale — moža absalutna kožny, niezaležna ad uzrostu i muzyčnych dadzienych. «Bo heta mif, što muzyčny słych — vyklučna pryrodžanaja jakaść, — śćviardžaje zasnavalnica škoły Volha Łysiakova, — słych nasamreč trenirujecca, i navučyć možna luboha».
Krychu ździvili nas źviestki, što apošnim časam najbolšy popyt isnuje na zaniatki fartepijana i vakałam, moda ž na hitaru krychu adyšła. U lubym vypadku, nabirajuć na hetyja kursy i achvotnych da ihry na fartepijana ci na hitary, i achvotnych paśpiavać. Da taho ž, kali źviernieciesia sa zhadkaj pra «Našu Nivu», vam daduć źnižku 5% na pieršy abaniemient.
Źviarnucca možna pa telefonie +375(33) 601-09-09 abo zapoŭniŭšy zajaŭku na sajcie.
Mastactva na luby hust
U hetym miesiacy ŭ Minsku narešcie adkryvajecca Jeŭrapiejskaja akademija mastactvaŭ. U prahramie — bolš za piaćdziasiat roznych kursaŭ, i prymajuć na ich usich achvotnych, niezaležna ad uzrostu i padrychtoŭki. Prastora dla vybaru ŭražvaje: tut vy možacie navučycca fatahrafavać, zdymać prafiesijnyja videaroliki, zasvoić navyki teležurnalistyki, dyzajnu, malavańnia, aratarskaha majsterstva i šmat čaho inšaha.
Akademija daje daviedku, paśviedčańnie i siertyfikat na anhlijskaj movie, dla samych aktyŭnych i paśpiachovych mahčyma pracaŭładkavańnie. A moža, tak staniecca, što nadzvyčaj paśpiachova projdziecie kurs, naprykład, videažurnalistyki, a da taho času ŭ «Našaj Nivie» źjavicca dadatkovaja adpaviednaja vakansija.
Arhanizatary dajuć pryjemnuju źnižku čytačam «NN» — 15%.
Zapis i ŭsie pytańni pa telefonie: +375(44) 716-00-63.
Taniec jak tradycyja
Z 5 vieraśnia Škoła tradycyjnaha mastactva nabiraje achvotnych pasprabavać siabie ŭ biełaruskich narodnych tancach. Kali ŭ vas daŭno lažyć duša da biełaruskaskaha tradycyjnaha mastactva, a cieła prahnie ruchaŭ i harmonii, — sprabujcie! I navat kali sumniejaciesia, raim pasprabavać: tak, siabra redakcyi IT-śpiecyjalist Dzianis Hurynovič dosyć niečakana znajšoŭ siabie ŭ hetaj śfiery. «Dla mianie heta samaja sapraŭdnaja addušyna paśla sutak siadzieńnia za noŭtbukam!». Kurs «Biełaruski taniec» pracuje pad kiraŭnictvam viadomaha etnachareohrafa i daśledčyka tancu Mikałaja Kozienki.
Kantakty dla daviedak: +375 29 608-25-56, [email protected].
Stań ruchavikom biełaruskaj kultury
Aktyŭnych, kreatyŭnych ci prosta achvotnych rabić niešta dla biełaruskaj kultury čakaje «Art-siadziba».
Chočacie arhanizoŭvać kancerty i fiestyvali? Umiejecie fatahrafavać i pisać dobryja teksty? A moža, vy paet ci muzyka, jaki choča padzialicca svajoj tvorčaściu z publikaj, ale maje patrebu ŭ placoŭcy dy pramocyi?
Kali niešta z hetych charaktarystyk — pra vas, zapaŭniajcie ankietu, dy arhanizatary abaviazkova daduć vam feedback.
Zyčym vam abrać zaniatak, da jakoha napraŭdu lažyć duša, žyć napoŭnicu i pamiatać zapaviet, jakim kirujucca samyja paśpiachovyja ludzi: ruch — heta žyćcio!
Artykuł apublikavany na pravach rekłamy
