Ivanaŭski rajonny adździeł Śledčaha kamiteta pravodzić pravierku pa fakcie śmierci małaletniaha dziciaci, paviedamiła BIEŁTA aficyjny pradstaŭnik USK pa Bresckaj vobłaści Maryna Drańkova.
Niaščasny vypadak adbyŭsia 2 vieraśnia ŭ sielskim nasielenym punkcie Ivanaŭskaha rajona. U pryvatnym domie ŭ viadry z vadkaściu (vyšynioj 34 sm) było znojdzienaje cieła hadavałaha chłopčyka. Dzicia znachodziłasia na kuchni adno, biez nahladu darosłych.
Dla vyśviatleńnia dakładnaj pryčyny śmierci pryznačanaja sudova-miedycynskaja ekśpiertyza. «Asablivaja ŭvaha nadajecca vyśviatleńniu pryčyn i ŭmoŭ, jakija pryviali da hibieli małaletniaha. Raniej pryznavałasia, što hetaja siamja znachodzicca ŭ sacyjalna niebiaśpiečnym stanoviščy», — dadała aficyjny pradstaŭnik USK.
Jak stała viadoma, zahinuły chłopčyk byŭ čaćviortym u siamji. Jaho cieła ŭ 16.15 vyjaviła 30-hadovaja maci, jakaja znachodzicca ŭ adpačynku pa dohladzie za dziciem. Baćka ŭ momant trahiedyi znachodziŭsia na pracy.
