Jak stała viadoma «Našaj Nivie», da kanca hoda vyrastuć zarobki ŭ biełaruskich vajskoŭcaŭ i siłavikoŭ ahułam: u supracoŭnikaŭ Ministerstva ŭnutranych spraŭ, Śledčaha kamiteta, Ministerstva pa nadzvyčajnych situacyjach, Departamienta finansavych rasśledavańniaŭ i h.d.
Rabicca heta budzie praź pieraraźlik pamieru hrašovaha zabieśpiačeńnia z ulikam karektujučych kaeficentaŭ.
U ličbach, jak nam patłumačyli vajskoŭcy, heta budzie vyhladać jak pracent da akładu — niekatoryja spadziajucca na pavyšeńnie akładaŭ na 40%, ale nie adrazu, a ŭ dva etapy pa 20%, pieršy ź jakich maje adbycca ŭžo ŭ vieraśni.
U toj ža čas u siłavikoŭ mohuć zabrać niekatoryja hrašovyja bonusy, jakija jany atrymlivali pry vychadzie ŭ adpačynak.
Pavyšeńnie pamieru hrašovaha zabieśpiačeńnia taksama pryviadzie da pavieličeńnia vajskovych piensij.
