U nastupnym hodzie ŭrad Biełarusi nie źbirajecca pryciahvać novych źniešnich zapazyčańniaŭ. Pra heta zajaviŭ namieśnik ministra ekanomiki Dźmitryj Krutoj u prahramie «Hałoŭny efir» na telekanale «Biełaruś 1», piša Tut.by.
Fota Iryny Arachoŭskaj
Pieršy namieśnik ministra nahadaŭ, što z bujnych napramkaŭ zastałosia dva tranšy kredytu Jeŭrazijskaha fondu stabilizacyi i raźvićcia. Akramia taho, adkryta «nievialikaje akno na rynku jeŭrabondaŭ». «Bolš my nadzvyčajnaha finansavańnia nie płanujem», — skazaŭ Krutoj.
Pa słovach čynoŭnika, na 2018 hod u Biełarusi sfarmiravany praktyčna biezdeficytny płaciežny bałans. «Płanujem zachavać zołatavalutnyja reziervy na ŭzroŭni nie mienš za 6 młrd dalaraŭ. A absłuhoŭvać źniešnija płaciažy ŭ abjomie bolš za 3 młrd dołaraŭ źbirajemsia za košt pracy ekanomiki», - rastłumačyŭ Krutoj.
Ułady Biełarusi płanujuć, što ŭ nastupnym hodzie pryrost VUP Biełarusi składzie 3,4%. Pryčym treć rostu zabiaśpiečać dziejsnyja pramysłovyja pradpryjemstvy, jakija zaviaršajuć techpieraŭzbrajeńnie, i jašče tracina - novyja vytvorčaści.
