Z 1 vieraśnia Valancina Uładzimiraŭna, na jakuju ŭ mai 2016 hoda napali ŭ himnazii № 74 u Minsku, bolš nie budzie vykładać ruskuju movu i litaraturu.
— Pra toje, što nastaŭnica sychodzić, stała viadoma na dniach. Nichto nie viedaje, jana sama pryniała hetaje rašeńnie, ci nie, — raspaviadaje minčanka, u kaho dzicia vučycca ŭ himnazii №74. — Valancina Uładzimiraŭna da hetaha była ŭ adpačynku, siońnia jon aficyjna skančajecca. Vychodzić, joj daviadziecca dapracavać čatyry dni da pačatku navučalnaha hoda, potym jana sydzie.
Zajavu na zvalnieńnie nastaŭnica napisała z 1 vieraśnia. Valancinie Uładzimiraŭnie 58 hadoŭ, apošnija 12 hadoŭ jana pracavała ŭ minskaj himnazii № 74.
***
Nahadajem, u krasaviku 2017 hoda Minski haradzki sud vynies prysud pa hučnaj spravie. Vučnia 9-kłasa D. pryznali vinavatym u tym, što ŭ mai 2016 hoda jon napaŭ z nažom na nastaŭnicu i nanios joj 17 udaraŭ. Za zamach na zabojstva padletka prysudzili da 8 hadoŭ pazbaŭleńnia voli ŭ vychavaŭčaj kałonii. Pasiedžańni prachodzili ŭ zakrytym režymie, nastaŭnica tolki paśla abviaščeńnia prysudu prakamientavała situacyju:
— Ja jaho prabačyła i liču, što pakarańnie, jakoje jon sam sabie nanios, nie paraŭnalna ź lubym. Chaču skazać, što na praciahu ŭsiaho sudovaha razboru ja i moj advakat prasili ab łascy i litaści da hetaha dziciaci.
Viadoma, što paśla napadu Valancina Uładzimiraŭna viarnułasia pracavać nie tolki ŭ himnaziju № 74, ale i ŭ toj ža kłas, dzie zdaryłasia trahiedyja. Advakat 16-hadovaha D. Ludmiła Pałačkina paśla abviaščeńnia prysudu koratka jaho prakamientavała: «Žorstka, niespraviadliva, niezakonna».
19 vieraśnia sudovaja kalehija pa kryminalnych spravach Viarchoŭnaha suda razhledzić u apielacyjnym paradku spravu himnazista.
