Kiraŭnik naziralnaha savieta rasijskaha Instytuta demahrafii, mihracyi i rehijanalnaha raźvićcia Juryj Krupnoŭ prapanavaŭ prezidentu Rasii pieranieści stalicu za Urał, paviedamlaje RT.
Na jaho dumku, Rasija «hipiercentralizavanaja»: staličny rehijon «uvabraŭ u siabie praktyčna piatuju častku ŭsiaho rasiejskaha nasielnictva». Nacyjanalnaje raźvićcio taksama akcentavana na 15-25 miehapolisach, u jakich pražyvaje «užo bolš za pałovu» ŭsich hramadzian, dadaŭ Krupnoŭ.
Demohraf paznačyŭ adpaviednuju inicyjatyvu ŭ prajekcie «Daktryny razmaskvičvańnia», jaki ŭžo nakiravaŭ prezidentu RF.
U dakumiencie havorycca, što ŭ vyniku ŭnutranaj mihracyi Rasija moža stracić svaje hieapalityčnyja pieravahi. Pryjarytet u raźvićci, na dumku Krupnova, varta addać Dalokamu Uschodu i Sibiry.
Dakumient sustreŭ rezkuju krytyku ŭ Hramadskaj pałacie RF. «Heta nie adpaviadaje ni histaryčnym tradycyjam, ni realnaści. Taki pieranos stalicy budzie kaštavać sotni miljardaŭ dalaraŭ, napeŭna, z ulikam pieranosu ŭsioj infrastruktury, u tym liku i ŭsich linij abaronienaj suviazi, zabieśpiačeńnia supraćrakietnaj abarony hetaha rajona. Akramia kurjozu i imknieńnia nieviadomaha dahetul instytuta zrabić sabie pijar, tut ničoha niama «, - skazaŭ pieršy namieśnik staršyni kamisii pa harmanizacyi mižnacyjanalnych i mižrelihijnych adnosin Hramadskaj pałaty Maksim Hryhorjeŭ.
