U Dziarždepartamencie ZŠA paćvierdzili sustreču Kurta Vołkiera z pradstaŭnikom Rasiei ŭ Miensku. 23 žniŭnia Vołkier vierniecca va Ŭkrainu, kab dałučycca da mierapryjemstvaŭ z udziełam ministra abarony ZŠA Džejmsa Metysa.
Specpradstaŭnik Dziarždepartamentu ZŠA pa Ŭkrainie Kurt Vołkier 21 žniŭnia sustreniecca z pradstaŭnikom rasiejskaha ŭradu, kab abmierkavać rasiejska-ŭkrainskija adnosiny, paviedamlaje UNIAN. Pavodle paviedamleńnia, sustreča adbudziecca ŭ Miensku.
Pra heta paviedamili ŭ Dziaržaŭnym departamencie ZŠA.
Paśla hetaha Vołkier naviedaje Vilniu dla abmierkavańnia ŭkrainskaha pytańnia z uradam Litvy. 23 žniŭnia Vołkier vierniecca va Ŭkrainu, kab dałučycca da mierapryjemstvaŭ z udziełam ministra abarony ZŠA Džejmsa Metysa, jaki prybudzie ŭ Kijeŭ 24 žniŭnia, i dla abmierkavańnia dalejšych krokaŭ dla adnaŭleńnia suverenitetu i terytaryjalnaj cełasnaści Ŭkrainy.
Tym časam 23 žniŭnia ŭ Miensku adbudziecca čarhovaje pasiadžeńnie Trochbakovaj kantaktnaj hrupy pa ŭrehulavańni sytuacyi na Danbasie, na jakim adnym adnym z pytańniaŭ moža stać tema zamireńnia pierad 1 vieraśnia.
