Urad Ukrainy spyniŭ dziejańnie pahadnieńnia z Rasijaj pa vajennym eksparcie. Pra heta ŭ sieradu, 9 žniŭnia, paviedamlaje TASS.
Jak adznačaje ahienctva, rašeńnie ab spynieńni dziejańnia mižuradavaha pahadnieńnia z Rasijaj ab paradku ŭzajemadziejańnia pry ažyćciaŭleńni ekspartu tavaraŭ (pradukcyi) vajennaha pryznačeńnia ŭ trecija krainy było pryniata na pasiadžeńni kabinieta ministraŭ krainy.
Heta damova dziejničała z 2004 hoda i była raspracavana Kijevam i Maskvoj na asnovie zaklučanaha ŭ 1993-m pahadnieńnia pamiž uradami dźviuch krain ab vajenna-techničnym supracoŭnictvie. Metaj zaklučeńnia dakumienta ab vajennym eksparcie było raźvićcio supracoŭnictva pry ažyćciaŭleńni pastavak tavaraŭ vajennaha pryznačeńnia ŭ trecija krainy. Pad dziejańnie pahadnieńnia padpadali tavary vajennaha pryznačeńnia, sumiesna raspracavanyja abo madernizavanyja paśla 1 studzienia 1992 hoda.
