Pravaachoŭniki šukajuć dziaŭčynu, jakaja zabrała zabytyja klijentam banka hrošy, paviedamili «Minsk-Navinam» u Centralnym RUUSie.
- U milicyju źviarnułasia hramadzianka z zajavaj ab źniknieńni hrošaj. Jana raspaviała, što paśla ździajśnieńnia valutna-abmiennaj apieracyi ŭ adździaleńni banka, raźmieščanym na bulvary Šaŭčenki, u jaje prapali 110 dalaraŭ ZŠA, - udakładniła aficyjny pradstaŭnik Centralnaha RUUS Taćciana Aboznaja — Vyśvietliłasia: paśla ździajśnieńnia bankaŭskaj apieracyi žančyna pakinuła hrošy kala akienca, a kali viarnułasia, nie znajšła ich na tym miescy.
Prahledzieŭšy zapisy kamier videanazirańnia, apieratyŭniki vyśvietlili: hrošy zabrała inšaja klijentka banka. Zaŭvažyŭšy dalary, što lažać kala akienca, jana pahladzieła pa bakach, uvierch na kamiery, nakryła hrošy svaim kašalkom, paśla čaho zabrała.
Milicyja prosić adhuknucca dziaŭčynu ci tych, chto jaje paznaje. Lubuju infarmacyju možna paviedamić u Centralnaje RUUS pa telefonach: (017) 288-02-02, (033) 902-34-01 abo 102.
