U Breście lehkavy aŭtamabil źbiŭ rovar, na jakim jechali dvoje dziaciej, paviedamili ŭ abłasnoj Dziaržaŭtainśpiekcyi.
Avaryja adbyłasia siońnia apoŭdni na vulicy Žukava. Pavodle papiaredniaj infarmacyi, aŭtamabilem «Opiel Astra» kiravaŭ 60-hadovy miascovy žychar. Mužčyna pavaročvaŭ z vulicy Siabroŭskaj. U hety čas jamu nasustrač jechała 10-hadovaja ravarystka, jakaja vyrašyła pierasiekčy prajeznuju častku, nie złaziačy z rovara na pierachodzie. U vyniku dziaŭčynka trapiła pad mašynu. Z roznymi traŭmami jaje špitalizavali. Vyśvietlena, što školnica pieravoziła na ramie rovara piacihadovaha chłopčyka. Jon, na ščaście, nie paciarpieŭ.
U DAI taksama źviarnuli ŭvahu, što mužčyna raniej byŭ pazbaŭleny paśviedčańnia kiroŭcy. Termin pakarańnia skončyŭsia ŭ 2014 hodzie, ale pa nieviadomych pryčynach mužčyna tak i nie adnaviŭ paśviedčańnie.