U Biełarusi pierahledzieli narmatyvy spažyvańnia niekatorych žyllova-kamunalnych pasłuh dla raźliku bieznajaŭnych subsidyj. Źmianieńni ŭniesieny pastanovaj Saŭmina ad 18 lipienia № 535 «Ab uniasieńni źmianieńniaŭ i dapaŭnieńniaŭ u pastanovu Savieta Ministraŭ Respubliki Biełaruś ad 30 vieraśnia 2016 h. № 789».
Tak, narmatyŭ na techničnaje absłuhoŭvańnie lifta vyraście z 0,6911 da 1,19 rubla ŭ miesiac na adnaho čałavieka. Taksama źmienicca norma spažyvańnia elektraenierhii, što spažyvajecca na pracu liftaŭ, — z 0,26 rubla da 0,47 rubla ŭ miesiac na čałavieka.
Narmatyŭ pa spažyvańni pa ciepłazabieśpiačeńni zastajecca raniejšym — 0,026 hihakałoryjaŭ na 1 kvadratny mietr ahulnaj płoščy žyłoha pamiaškańnia. Ale źjaviŭsia dadatak, što hety narmatyŭ budzie dziejničać z ulikam aciaplalnaha pieryjadu z 15 kastryčnika pa 15 krasavika.
Pry hetym pieraličvać subsidyi nie buduć, kali sapraŭdny aciaplalny siezon budzie daŭžejšym, čym raźličany narmatyŭ.
Narmatyŭ pa spažyvańni na hazazabieśpiačeńnie i zabieśpiačeńnie zvadkavanym vuhlevadarodnym hazam ad indyvidualnaj reziervuarnaj ustanoŭki taksama zastajecca na raniejšym uzroŭni. Ale z udakładnieńniem - prymianiacca jon budzie z 15 kastryčnika pa 15 krasavika.
Pastanova ŭstupaje ŭ siłu paśla jaje aficyjnaha apublikavańnia i raspaŭsiudžvaje svajo dziejańnie na adnosiny, jakija ŭźnikli z 1 studzienia 2017 hoda.
