Na kancert navat pryjšoŭ Juryj Čyž, paviedamlaje kp.by. Fota Uładzimira Kryvulina
Arhanizatary kancerta Depeche Mode u Minsku vystupili z pres-kanfierencyjaj, dzie raspaviali pra pryčyny admieny kancertu hrupy i pra toje, čaho čakać fanatam, jakija žadali trapić na vystup, piša Tut.by.
Dyrektar kancertnaha ahienctva «Atam intertejnment» Andrej Alaksiejeŭ paviedamiŭ, što Dejv Haan adčuŭ siabie drenna. Tolki ŭ 18.00 daktary skazali, što na scenu jon nie vyjdzie.
«Kancert nie byŭ zastrachavany. Usie byli hatovyja da praviadzieńnia. Pradali 7 tysiač biletaŭ, 4 fury pryjechali ŭ Minsk. Usie ŭstanoŭlena i było hatovaje», - skazaŭ Alaksiejeŭ.
Pavodle jaho słoŭ, daktary majuć namier nazirać za Haanam 12 hadzin, pakul zaklučeńnia niama. Mužčyna kaža, što na jaho pamiaci takoje ŭpieršyniu.
Alaksiejeŭ taksama raspavioŭ, ci čakać fanatam pieranosu kancerta.
«Poŭnaja admiena mahčymaja, ale pakul viaducca pieramovy pra pieranos. Straty buduć nie tolki ŭ ludziej, jakija pryjechali ź inšych krain, ale i ŭ arhanizataraŭ. U ich tydzień na pieramovy i skažuć - pieranos abo admiena. Taki kancert kaštuje miljon dalaraŭ», — kaža jon.
Ci budzie nastupny kancert u Kijevie, pakul nieviadoma, heta stanie zrazumieła na praciahu bližejšych hadzin.
Kancert Depeche Mode u Minsku admianili ŭ apošni momant: Dejv Haan špitalizavany
