Jak adznačaje vydańnie, na vychodnych pasty sa zhadvańniem imia miadźviedzika z knih anhlijskaha piśmieńnika Ałana Miłna «padvierhlisia cenzury» z boku administracyi sacyjalnaj sietki.
Pry sprobie raźmiaścić paviedamleńni ź imiem Vinia-Pycha na ekranie źjaŭlałasia fraza «nielehalny kantent», choć niekatorym karystalnikam atrymoŭvałasia abyjści hetuju zabaronu. Akramia taho, niekalki GIF-malunkaŭ ź Vinia-Pycham vydalili z kitajskaha servisu abmienu paviedamleńniami WeChat.
Pradstaŭniki Sina Weibo nie kamientujuć hetuju infarmacyju. Aficyjna ŭłady Kitaja taksama nie paviedamlali ab novych mierach rehulavańnia ŭ internecie. Naziralniki, apytanyja vydańniem, miarkujuć, što zabarona na zhadvańnie Vinia-Pycha źviazana z tym, što raniej karystalniki časta paraŭnoŭvali hetaha piersanaža s kiraŭnikom Kitaja Si Czińpinam.
