Samalot brytanskaj kampanii Jet2.com ździejśniŭ ekstrannuju pasadku ŭ Partuhalii z-za bojki muža i žonki na borcie. Łajnier lacieŭ na ispanski vostraŭ Hran-Kanaryja, paviedamlaje Daily Star.
Spačatku muž i žonka pačali svarycca, vykrykvać na adras adno adnaho niecenzurnyja słovy. Zatym słoŭnaja svarka pierarasła ŭ bojku. I tut debašyraŭ pryjšłosia supakojvać dvum mužčynam — palicyjantu, jaki znachodziŭsia nie pry vykanańni, i byłomu palicyjantu.
Zatym ekipaž pryniaŭ rašeńnie pasadzić samalot u Partuhalii, dzie niespakojnych muža i žonku pieradali palicyjantam. Akramia taho, debašyraŭ unieśli ŭ čorny śpis avijakampanii: im pažyćciova zabaroniena karystacca jaje pasłuhami. Taksama vydańnie paviedamlaje, što łaŭkostar maje namier praz sud spahnać z muža i žonki paniesienyja z-za vymušanaha pryziamleńnia straty.
