Irłandskaja avijakampanija-łaŭkostar Ryanair admianiła zapłanavany vychad na ŭkrainski rynak. Pra heta havorycca ŭ paviedamleńni pres-słužby avijapieravozčyka, piša UP.
«Ryanair abjaŭlaje, što admianiaje svoj zapłanavany prychod va Ukrainu paśla taho, jak kijeŭski aeraport nie vykanaŭ pahadnieńnie, dasiahnutaje ŭ Ministerstvie infrastruktury sa słužbovymi asobami aeraporta i ciapierašnim hienieralnym dyrektaram aeraporta spadarom Rabikinym u sakaviku hetaha hoda», — havorycca ŭ paviedamleńni.
U Ryanair adznačyli, što aeraport «Baryspal» ustaŭ na bok avijakampanij z vysokimi taryfami, uklučajučy «Mižnarodnyja avijalinii Ukrainy», i pazbaviŭ ukrainskich pasažyraŭ dostupu da tannych avijabiletaŭ.
«U vyniku ŭ Ryanair niama vybaru, akramia jak admianić 4 novyja kijeŭskija maršruty i 7 novych lvoŭskich maršrutaŭ, što pryviadzie da straty bolš za 500 000 pasažyraŭ i 400 pracoŭnych miescaŭ», — dadali ŭ kampanii.
Ryanair prynosić prabačeńni klijentam, jakija ŭžo zabraniravali rejsy. Im viernuć srodki za kvitki.
