Jakaść pitnoj vadapravodnaj vady płanujuć palepšyć u Minsku ŭ 2018 hodzie. Pra heta paviedamiŭ dyrektar kamunalnaha ŭnitarnaha vytvorčaha pradpryjemstva «Minskvodakanał» Aleh Aŭrucin ŭ chodzie apieratyŭnaj narady ŭ Minharvykankamie, pišuć «Minsk-Naviny».
«Inviestycyjnaje raźvićcio «Minskvodakanała» praduhledžvaje techničnaje pieraŭzbrajeńnie vytvorčaściaŭ, ukaranieńnie prahresiŭnych techničnych, technałahičnych, ekałahičnych, enierhaźbierahalnych mierapryjemstvaŭ, nakiravanych na palapšeńnie jakaści pasłuh i źnižeńnie vydatkaŭ, — udakładniŭ Aŭrucin. — U ciapierašni čas pradpryjemstva realizuje mierapryjemstvy pa zabieśpiačeńni nasielnictva Minska pitnoj vadoj palepšanych arhanaleptyčnych ułaścivaściaŭ. Pa zamovie pradpryjemstva raspracavana pieradprajektnaja dakumientacyja pa abjekcie rekanstrukcyi budynkaŭ chłorkavaj haspadarki z užyvańniem chłarydu natryju na ačyščalnaj vadapravodnaj stancyi. Realizacyja prajekta dazvolić całkam admovicca ad prymianieńnia niebiaśpiečnaha rečyva chłoru. Termin realizacyi — sakavik 2018 hoda».
Pa stanie na 1 lipienia 2017 h. na bałansie «Minskvodakanała» znachodzicca 3 065 km vodapravodnych sietak, u sistemie vodaadviadzieńnia — 1 854 km sietak. Ekspłuatujecca pradpryjemstvam Vilejska-Minskaja vodnaja sistema, jakaja ŭklučaje dziasiatki kiłamietraŭ kanałaŭ. Štohod pa kanale padajecca kala 120 młn. kub. m vady. Try čverci hetaha abjomu vykarystoŭvajecca dla zadavalnieńnia haspadarča-pitnych patreb nasielnictva i techničnaha vodazabieśpiačeńnia pramysłovych pradpryjemstvaŭ, astatniaja častka idzie na abvadnieńnie Śvisłačy i Ślapianskaj vodnaj sistemy.
