Nadzvyčajnaje zdareńnie adbyłosia ŭ lesie za 50 mietraŭ ad pasta Asvoda. Ratavalniki tłumačać: ubačyć, što robiać dzieci za abryvam, było niemahčyma. Ich adździalajuć les i drevy. Tym bolš što jany niasuć adkaznaść za tych, chto na vadzie, a nie na sušy.
3 lipienia Maksim, jaki pryjechaŭ ź Minska da babuli na kanikuły, sustreŭ u haradskim parku byłych adnakłaśnikaŭ, i dzieci vyrašyli pajści na haradski plaž.
— Moj matros bačyŭ, jak troje 11-hadovych chłapčukoŭ pryjšli na plaž, ale nijakaha značeńnia hetamu nie nadaŭ. Jany prajšli kala pasta i pa darožcy syšli ŭ bok lesu, - raspaviadaje Stanisłaŭ Markoŭski, staršynia Asvoda ŭ Lepieli. - Praź niekatory čas dzieci viarnulisia, pabyli na plažy, potym znoŭ pajšli ŭ bok lesu. Niedzie praz hadzinu da matrosa prybiehli dva chłopčyki ŭ šokavym stanie i skazali: ich siabra zasypała piaskom. Akazałasia, jany vyryli jamku, zaleźli ŭ jaje i niečakana ziamla asypałasia na adnaho ź dziaciej. Jon vybraŭsia, dzieci nie nadali hetamu značeńnia, i śledam za im u jamu zalez inšy chłopčyk. Piasok jaho całkam zasypaŭ.
Chłopcy spačatku sami sprabavali adkapać siabra, ad šoku jany nie mohuć uspomnić, kolki času prajšło z taho času, jak abrynułasia jama, da taho momantu, kali jany stali vyklikać chutkuju. U 18.15 daktary sami paviedamili ŭ MNS pra zdareńnie.
— Matros pieršym prybieh na miesca nadzvyčajnaha zdareńnia. Vyciahnuŭ dzicia, puls užo nie adčuvaŭsia, nos i rot byli zabityja piaskom. Jon staŭ akazvać paciarpiełamu pieršuju miedycynskuju dapamohu: rabiŭ štučnaje dychańnie, niepramy masaž serca, — kaža Stanisłaŭ Markoŭski.
U 19.00 daktary kanstatavali śmierć 11-hadovaha Maksima. Niekatoryja žychary Lepiela stali zadavacca pytańniem: jak takoje naohuł mahło adbycca, kali pobač byŭ vyratavalny punkt. U Asvodzie adkazvajuć - jany sočać za tymi, chto na vadzie, a nie na sušy. Tym bolš — u lesie.
— Razumiejecie, z-za abryvu niemahčyma było bačyć dziaciej, krykaŭ nie było čuvać. Ja z poŭnaj adkaznaściu zajaŭlaju, što moj matros nie vinavaty, jon dziejničaŭ prafiesijna. Nichto ž nie viedaje, kolki chvilin prajšło z momantu zdareńnia, moža, dzieci prybiehli praz 15 chvilin paśla abvalvańnia piasku, a moža, 20. Siońnia nas usich dapytvali ŭ milicyi, my ŭsio raskazvali, — tłumačyć Stanisłaŭ Markoŭski, staršynia Asvoda ŭ Lepieli.
Pravaachoŭnyja orhany pa dadzienym zdareńni pravodziać pravierku.
