18-hadovy biełaruski futbalist Kirył Kaplenka źbirajecca pryniać rasijskaje spartyŭnaje hramadzianstva. Pra heta raspavioŭ jaho baćka Dźmitryj u intervju karespandentu «Priessboła».
vk.com/kaplenych
Adznačym, Kirył Kaplenka niadaŭna pierajšoŭ z akademii «Krasnadara» u «Zienit».
«Zastałosia dačakacca rašeńnia FIFA. Junijorskaja zbornaja Rasii cikavicca Kiryłam, — kaža baćka futbalista. — Maru, kab jon što-niebudź u žyćci vyjhraŭ, kab syhraŭ na čempijanacie śvietu, Jeŭropy. Chaj by navat za junackuju, moładzievuju zbornuju. Ščyra kažučy, biełarusy jašče nie chutka tam apynucca. Pahladzi, jak 1999-y hod zhulaŭ ź indyjcami na miemaryjale Hranatkina. Chočam pasprabavać».
Žonka Dźmitryja Natalla adznačaje:
«Ź inšaha boku, byli my ŭ Krasnadary — zbornaja Biełarusi im nie cikaviłasia. Choć mahli ŭziać i našy telefony, i Kiryła. Nie telefanavaŭ nichto. A ciapier, kali trapili ŭ «Zienit», usie stali rezka pytacca».
«My nikomu nie byli patrebnyja, — paćviardžaje Dźmitryj. — Ale, kali ty hulaješ za moładzievuju zbornuju, ty jašče možaš viarnucca ŭ nacyjanalnuju kamandu svajoj krainy. Rumbucis niadaŭna skazaŭ: davaj małoha da nas u «maładziožku»! Adkazvaju: nie, Ludas Ijonyč, chočam u Rasii pasprabavać. Jon: tudy ciažka patrapić! Ale mary časam spraŭdžvajucca. My patryjoty Biełarusi. Adnak žadajem lepšaha dla dziciaci. Kirył u hetym pytańni prysłuchoŭvajecca da nas».
