Urad Małdovy ŭchvaliŭ rašeńnie ab ŭstanoŭcy ŭ Kišyniovie pomnika-biusta biełaruskamu pieršadrukaru Francišku Skarynu, pieradaje BIEŁTA.
Adpaviednuju pastanovu kabmin Małdovy pryniaŭ siońnia na svaim pasiadžeńni pa inicyjatyvie Ministerstva kultury respubliki z metaj ušanavańnia pamiaci słavutaha biełaruskaha pieršadrukara, a taksama z nahody 500-hodździa vydańnia pieršaj knihi na biełaruskaj movie, jakoje adznačajecca sioleta.
Jak adznačyła ministr kultury Małdovy Monika Babuk, zhodna z rašeńniem urada Małdovy i meryi municypija Kišynioŭ, pomnik-biust Francišku Skarynu budzie ŭstalavany ŭ centry małdaŭskaj stalicy — u skviery na skryžavańni vuł Alaksieja Maciajeviča i mitrapalita Haŭryiła Benulesku-Badoni.
Vydatki na raspracoŭku prajektnaj dakumientacyi dla pomnika, vykanańnie rabot i ŭstanoŭku pastamienta i biusta, a taksama dobraŭparadkavańnie prylehłaj terytoryi buduć pakrytyja za košt finansavych srodkaŭ Biełarusi i sponsarskaj dapamohi. Pomnik-biust Francišku Skarynu budzie vyrableny ŭ Biełarusi, aŭtara pracy adbiaruć pa vynikach konkursu, jaki arhanizujecca Ministerstvam kultury Biełarusi.
