Muziej sučasnaha mastactva ŭ Ńju-Jorku abviaściŭ ab uklučeńni ŭ svaju kalekcyju aryhinalnaha chetčbeka Fiat 500. Pra heta było abvieščana ŭ dzień 60-hodździa madeli — 4 lipienia 1957 hoda ŭ Turynie byli ŭpieršyniu prezientavanyja pieršyja asobniki hetaha aŭtamabila, piša motor.ru.
motor.ru
U rasparadžeńni muzieja akažacca madyfikacyja 500 F, adna z samych papularnych i paśpiachovych u historyi madeli, jakaja vypuskałasia z 1965 pa 1972 hod. Asobnik, jaki buduć vystaŭlać u Ńju-Jorku, pafarbavany ŭ bežavy koler, maje miakki dach i aryhinalnyja dyski ź mietaličnymi kaŭpakami.
Taksama ŭ kalekcyi muzieja sučasnaha mastactva jość aŭtamabili Cisitalia 202 GT 1946 hoda, Willys-Overland Jeep (1952), Volkswagen Beetle (1959), Jaguar E-Type Roadster (1963), Ferrari 641/2 Grand Prix Racer (1990) i Smart (1998).
U kancy červienia «Fijat» padrychtavaŭ da jubileju «piacisotaha» śpiecyjalnuju madyfikacyju sučasnaha Cinquecento, vykananuju ŭ stylistycy kłasičnych mašyn. Takija aŭtamabili atrymali 16-calevyja stalevyja kołavyja dyski z chramavanymi kaŭpakami i dakładna takija ž šyldziki z nazvaj marki, jakija vykarystoŭvalisia ŭ 1950-ch.
