Biada zdaryłasia ŭ Homieli nočču z 2 na 3 lipienia. Pjany 16-hadovy padletak prajšoŭ u internat na vulicy Uładzimirava.
Padletak zajšoŭ u niezačynieny pakoj, dzie sustreŭ nieznajomaha 24-hadovaha mužčynu.
Chłopiec udaryŭ mužčynu nažom. Ad atrymanych cialesnych paškodžańniaŭ toj pamior na miescy zdareńnia.
Zatrymali padazravanaha chutka, pa haračych śladach.
«Z udziełam padazravanaha praviedzieny šerah śledčych dziejańniaŭ, u tym liku pravierka pakazańniaŭ na miescy zdareńnia z užyvańniem videazapisaŭ. Dapytvajucca śviedki, źbirajucca charaktarystyki da padazravanaha i jaho baćkoŭ», — paviedamlajuć śledčyja.
Jak vyjaviłasia, padazravany vychoŭvaŭsia ŭ niapoŭnaj siamji. Pryčym zajmaŭsia im tata — maci była pazbaŭlena baćkoŭskich pravoŭ.
Ale ž i baćka padletka pryciahvaŭsia da administracyjnaj adkaznaści za nievykanańnie abaviazkaŭ pa vychavańni syna. Siamja staić na ŭnutryškolnym uliku, bo znachodzicca ŭ sacyjalna-niebiaśpiečnym stanoviščy.
Sam niepaŭnaletni chłopiec znachodzicca na ŭliku ŭ inśpiekcyi pa spravach niepaŭnaletnich.
Śledčyja šukajuć matyŭ złačynstva.