Jak stała viadoma «Našaj Nivie», va Ušačach va ŭłasnym domie zastreliŭsia były načalnik miascovaha RUUS Uładzimir Škinder.
Pavodle papiaredniaj infarmacyi, zdareńnie adbyłosia 1 lipienia, stralaŭ jon nibyta z samarobnaj zbroi.
Varta adznačyć, što ź milicyi Škinder syšoŭ hadoŭ 10 tamu, apošnim časam byŭ staršynioj miascovaha abjadnańnia vieteranaŭ.
«Cichi byŭ čałaviek, jak syšoŭ sa słužby, uvahi na siabie amal nie źviartaŭ. Mieŭ vialikuju haspadarku», — raskazali nam byłyja sasłužyŭcy.
Ciapierašnija rabotniki tamtejšaj milicyi paraili źviartacca za padrabiaznaściami ŭ Śledčy kamitet.
«Sapraŭdy, byŭ taki fakt — 30 červienia znojdzieny niežyvym piensijanier 1960 hoda naradžeńnia. Papiaredniaja viersija — suicyd», — skazali ŭ Śledčym kamitecie «Našaj Nivie».