27 červienia ŭ 200-ch mietrach ad biełaruska-litoŭskaj miažy pamiežny narad vyjaviŭ dvuch nieviadomych hramadzian, paviedamlaje sajt Dziaržpahrankamiteta.
Zaŭvažyŭšy pamiežnikaŭ, jany pasprabavali ŭciačy i pabiehli ŭ kirunku sumiežnaj terytoryi. Na zakonnyja patrabavańni spynicca mužčyny nie reahavali. U metach niedapuščeńnia niezakonnaha pierasiačeńnia miažy była ŭžytaja tabielnaja zbroja, i parušalniki byli zatrymanyja.
Praź niekalki hadzin niedaloka ad miažy ŭ vakolicach nasielenaha punkta Hałavienčycy byli znojdzienyja dva pakinutyja aŭtamabili. U vyniku pošukavych mierapryjemstvaŭ pamiežniki zatrymali jašče šaściarych parušalnikaŭ, jakija sprabavali niezakonna pierajści biełaruska-litoŭskuju miažu praź les.
Usie zatrymanyja akazalisia žycharami Hrodna. U ciapierašni čas u dačynieńni da parušalnikaŭ praciahvajucca pravieračnyja mierapryjemstvy. Pačaty administracyjny praces pa art. art. 23.29 (zamach na niezakonnaje pierasiačeńnie Dziaržaŭnaj miažy), 23.30 (parušeńnie pahraničnaha režymu), 23.4 (niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) KoAP Respubliki Biełaruś.
Sankcyi dadzienych artykułaŭ praduhledžvajuć nakładańnie štrafu ŭ pamiery da sta bazavych vieličyń, a za akazanaje niepadparadkavańnie zakonnym patrabavańniam pamiežnikaŭ asobnym hramadzianam moža pahražać i administracyjny aryšt.
