Krakaŭ atrymaŭ 2,5 młn jeŭra na padrychtoŭku da budaŭnictva mietro. Adpaviednyja srodki na technika-ekanamičnaje abhruntavańnie pieršaj linii mietrapalitena ŭ Krakavie vyłučyła Jeŭrapiejskaja kamisija ŭ ramkach prajekta «Złučajučy Jeŭropu», paviedamlaje Radyjo Polšča.
krakow.travel
Raspracoŭka technika-ekanamičnaha abhruntavańnia dapamoža vyznačyć, na jakim maršrucie pavinna być realizavanaja inviestycyja. U pytańniach tenderu na padrychtoŭku technika-ekanamičnaha abhruntavańnia horad maje namier kansultavacca z kiraŭnictvam vienskaha mietrapalitena, navukoŭcami z Horna-mietałurhičnaj akademii i Krakaŭskaj palitechniki, a taksama prajekciroŭščykami varšaŭskaha mietro i hałoŭnym vajavodskim kansiervataram pomnikaŭ historyi.
Za stvareńnie ŭ Krakavie mietro miascovyja žychary prahałasavali ŭ chodzie refierendumu ŭ 2014 hodzie. Hetuju ideju tady padtrymali 55% haradžan.
