Asnoŭny patok zamiežnych turystaŭ u Biełaruś idzie z Rasii. Pra heta paviedamiła siońnia žurnalistam u pres-centry BIEŁTA načalnik adździeła markietynhu i jakaści turysckich pasłuh Departamienta pa turyźmie Ministerstva sportu i turyzmu Hanna Mucha.
Jana raspaviała, što, pa statystycy, asnoŭny patok turystaŭ pryjazdžaje ŭ Biełaruś z Rasii. Vysokuju cikavaść kraina vyklikaje ŭ hramadzian Hiermanii, Polščy i Italii. Pradstaŭnik Minsportu taksama adznačyła, što kambinavanyja tury zapatrabavanyja ŭ amierykancaŭ i kanadcaŭ, pry jakich jany naviedvajuć niekalki krain.
«Naprykład, čatyry dni čałaviek pravodzić u Biełarusi, znajomicca ź jaje tradycyjami i kulturaj, a potym stolki ž u Polščy. Turysty chočuć ubačyć jak maha bolš za adno padarožža», — dadała Hanna Mucha.
Pa słovach načalnika adździeła markietynhu i jakaści turpasłuh, značnym krokam pa raźvićci infrastruktury źjaŭlajecca źjaŭleńnie ŭ Nacyjanalnym aeraporcie Minsk i hatelach punktaŭ arendy aŭtamabilaŭ. Heta zroblena dla taho, kab turysty mahli svabodna i z kamfortam ahledzieć biełaruskija słavutaści.
