Troje žurnalistaŭ zvolnilisia z CNN paśla taho, jak z sajta telekanała vydalili artykuł pra Rasiju za nieadpaviednaść standartam redakcyi. Z kanała syšoŭ Leks Cherys, jaki tolki ŭ studzieni 2017 h. uznačaliŭ novy adździeł rasśledavańniaŭ, jaki padrychtavaŭ artykuł.
Razam z Cherysam syšoŭ aŭtar natatki Tomas Frenk i redaktar adździeła rasśledavańniaŭ Eryk Lichtbau.
U artykule pad zahałoŭkam «Rasijski inviestycyjny fond źviazany z kamandaj Trampa» raspaviadałasia pra sustreču kiraŭnika biełaruskaha Fondu pramych inviestycyi Kiryła Dźmitryjeva ź biznesmenam Entani Skaramučy, jaki ŭvachodziŭ u pierachodnuju kamandu prezidenta ZŠA.
Telekanał abviaściŭ, što materyjał byŭ padrychtavany ŭsiaho pa adnoj nienazvanaj krynicy. Artykuł vydalili nie tamu, što ŭ im była napisana niapraŭda, a z-za nieadpaviednaści redakcyjnym standartam, zajaviła kiraŭnictva telekanała na ŭnutranaj naradzie.