Z 30 červienia Google pierastanie padtrymlivać apieracyjnuju sistemu Android 2.1 Eclair i starejšyja viersii.
Karystalniki hetych viersij bolš nie zmohuć zapampoŭvać dadatki z Android Market, paviedamlaje Android Developers.
Źmieny nabuduć moc biez papiaredžańnia na ŭsich pryładach.
U Google kamientujuć rašeńnie nastupnym čynam: «Z času vypusku Android 2.1 Eclair prajšło ŭžo siem hadoŭ. Bolšaść raspracoŭščykaŭ užo nie padtrymlivaje hetuju viersiju Android u svaich dadatkach, pakolki na hetyja pryłady prypadaje małaja kolkaść ustalovak prahram».
Usie inšyja viersii, pačynajučy z Android 2.2, buduć jak i raniej padtrymlivać pracu z Android Market.
Ale ŭ karystalnikaŭ starych smartfonaŭ usio jašče jość mahčymaść ustaloŭvać dadatki ŭ abychod katałoha. Dla hetaha nieabchodna zapampavać apk-fajł i zapuścić jaho ŭ sistemie.
