Rasijski partał «Lenta.ru» z usiaho intervju Śviatłany Aleksijevič ahienctvu «Rehnum» vyrašyŭ aśviatlić tolki dva momanty: pra zabojstva Alesia Buziny i status biełaruskaj movy ŭ Zachodniaj i Uschodniaj Biełarusi:
«Biełaruskaja piśmieńnica, łaŭreat Nobieleŭskaj premii Śviatłana Aleksijevič paviedamiła, što razumieje matyvy tych, chto zabiŭ ŭkrainskaha litaratara Alesia Buzinu. U intervju ahienctvu Regnum jana taksama zajaviła, što raniej nichto ŭ Biełarusi nie razmaŭlaŭ pa-rusku.
Pa słovach litaratara, vykazvańni Buziny vyklikali raźlutavanaść u apanientaŭ. Razam z tym Aleksijevič adznačyła, što nie zaklikała da raspravy nad ukrainskim piśmieńnikam. «Ale ja razumieju matyvy ludziej, jakija heta zrabili», — padkreśliła jana.
Aleksijevič taksama adznačyła, što raniej «nichto nie razmaŭlaŭ u Biełarusi pa-rusku». «Havaryli abo na polskaj, ci na biełaruskaj. Kali Rasija ŭvajšła i prysvoiła sabie hetyja ziemli, Zachodniuju Biełaruś, pieršaje praviła było — ruskaja mova», — vykazała mierkavańnie nobieleŭski łaŭreat. Jana nie ŭdakładniła, jaki pieryjad historyi mieła na ŭvazie».
Dalej padajecca karotkaja infarmacyja pra zabojstva Alesia Buziny i pra samu Śviatłanu Aleksijevič:
«Ukrainski žurnalist Aleś Buzina byŭ zastreleny kala svajho doma ŭ Kijevie ŭ krasaviku 2015 hoda. Pa padazreńni ŭ ździajśnieńni złačynstva byli zatrymanyja dvoje kijaŭlan — nacyjanalisty Andrej Miadźviedźka i Dzianis Pališčuk. Abodva ŭdzielničali ŭ masavych pratestnych akcyjach u centry Kijeva ŭ 2014 hodzie (Jeŭramadan) i apieracyi ŭkrainskich siłavikoŭ u Danbasie.
Aleksijevič — savieckaja i biełaruskaja piśmieńnica, naradziłasia ŭ 1948 hodzie va Ukrainie. Nabyła viadomaść paśla vychadu mastacka-dakumientalnaj knihi «U vajny nie žanočaje abličča». Atrymała Nobieleŭskuju premiju pa litaratury ŭ 2015 hodzie za «šmathałosuju tvorčaść — pomnik pakuty i mužnaści ŭ naš čas»».
