Paćvierdzilisia paviedamleńni ab tym, što administracyja Donalda Trampa płanuje rezka skaracić zamiežnuju dapamohu, u tym liku i za košt admovy ad amal 8 młn dalaraŭ, jakija vyłučalisia na Biełaruś. Heta vynikaje z prajektu biudžetu, jaki administracyja prezidenta ZŠA zapatrabavała na finansavańnie Dziarždepartamienta ŭ 2018 hodzie. Dadzienyja pra heta paćvierdzili i ŭ ambasadzie ZŠA ŭ Minsku, piša Tut.by.
Reuters
«Administracyja [prezidenta] nie ŭklučyła zamiežnuju dapamohu dla Biełarusi ŭ Zapyt na 2018 fiskalny hod. ZŠA zastajucca prychilnymi padtrymcy Biełarusi ŭ pabudovie mocnaha hramadstva i dynamičnaha raźvićcia ekanomiki z dapamohaj našaha stałaha dypłamatyčnaha ŭzajemadziejańnia», — adznačyli ŭ pasolstvie.
Za pryniaćcie biudžetu ZŠA jašče pavinny prahałasavać u Kanhresie. Adnak u biudžetnym zapycie na 2018 hod, jaki apublikavany na sajcie Dziarždepa ZŠA, nasuprać usich pazicyj u raździele ab Biełarusi stajać pročyrki. Dla paraŭnańnia, u 2016 hodzie na dapamohu Biełarusi vyłučyli 7,9 młn dalaraŭ.
Skrynšot z zapytu na biudžet Dziarždepa ZŠA na 2018 hod. U levaj kałoncy — biudžet na 2016 hod, u pravaj — płan na 2018-y
Ź ich 6,8 młn pajšli pa artykule «Spraviadlivaje i demakratyčnaje dziaržaŭnaje kiravańnie», u tym liku 200 tysiač dalaraŭ na «Viaršenstva prava i pravy čałavieka», 1,1 młn. — na «Palityčnuju kankurencyju i pabudova hramadskaha kansiensusu», 5, 5 młn — na hramadzianskuju supolnaść. Bolš za 800 tysiač dalaraŭ u minułym hodzie vyłučałasia pa pazicyi «Kankurentazdolnaść pryvatnaha siektara», a 240 tysiač — na baraćbu z transhraničnaj złačynnaściu.
Raniej paviedamlałasia, što administracyja prezidenta ZŠA płanuje całkam zrezać dapamohu, jakaja vyłučałasia Biełarusi praz ahienctva pa zamiežnaj dapamozie USAID. USAID realizuje ŭ Biełarusi šerah prajektaŭ u roznych śfierach, u tym liku prahramu prafiesijnych stažyrovak Community Connections, kanfierencyi i škoły startapaŭ u śfiery IT, prajekty pa raźvićci małoha biznesu ŭ rehijonach, baraćbie z handlem ludźmi, padtrymcy ludziej ź invalidnaściu, biznes-adukacyi i h. d.
Biełaruś — nie adzinaja kraina, jakaja trapiła pad skaračeńnie. Dapamoha Ukrainie źmienšanaja z 667 młn dalaraŭ u 2016 hodzie da 204 młn u 2018-m, Hruzii — z 81 da 34 młn. Uvieś biudžet Dziarždepartamienta ZŠA prapanujecca zrezać z bolš čym 50 młrd dalaraŭ u biahučym hodzie da 37,6 młrd dalaraŭ.
