U Maskvie zatrymanyja čaćviora prychilnikaŭ «Isłamskaj dziaržavy», jakija rychtavali terakty, zajaŭlaje FSB. Pry pieratrusie ŭ ich znajšli hatovuju da ŭžyvańnia vybuchovuju pryładu, śćviardžaje śpiecsłužba.
«FSB Rasii 25 maja ŭ Maskvie zatrymanyja čatyry členy terarystyčnaj hrupy, što składajecca z hramadzian Rasii i krain Centralnaazijackaha rehijonu, jakija ažyćciaŭlali padrychtoŭku teraktaŭ z vykarystańniem samarobnych vybuchovych pryład na abjektach transpartnaj infrastruktury Maskvy», — havorycca ŭ paviedamleńni centra hramadskich suviaziaŭ FSB.
Pry pieratrusach, jak zajaŭlaje śpiecsłužba, byli vyjaŭlenyja «łabaratoryja pa vytvorčaści vybuchovych rečyvaŭ», a taksama «hatovaje da ŭžyvańnia samarobnaje vybuchovaje prystasavańnie z paražalnymi elemientami», aŭtamaty, hranaty i videazapisy «ekstremisckaj i terarystyčnaj nakiravanaści».
Paśla teraktu zatrymanyja płanavali źjechać u Siryju i dałučycca da sił ID, udakładniaje FSB.
