U amerykanskim horadzie San‑Antonijo ŭ štacie Techas jość vulica z nazvaj Hiej‑stryt. Pradstaŭniki raźmieščanaj tut Druhoj baptysckaj carkvy hetym faktam duža nie zadavolenyja. Sprava ŭ tym, što Hiej‑stryt miažuje z terytoryjaj, jakaja jość ułasnaściu carkvy.
Tamu carkoŭnyja lidery padali zapyt u municypalitet z prośbaj pierajmienavać vulicu.
Carkoŭniki śćviardžali, što vulica ciapieraka musić mienavacca Darohaj Druhoj baptysckaj carkvy. Svajo žadańnie pierajmienavać vulicu jany tłumačyli vyklučna «imknieńniem pryvabić uvahu pastvy».
Hiej‑stryt atrymała svaju nazvu ŭ honar znanaha ŭ tych miaścinach aktyvista miascovaj hiej‑supolnaści, i jejnyja žychary ničoha nia majuć suprać. Bolš za toje, jany źviarnulisia z sutrečnaj prośbaj pakinuć vulicy jejnuju nazvu jak daninu pamiaci.
Siabry municypalitetu, jakija brali ŭdzieł u słuchańniach, pastanavili, što vulica pierajmianoŭvacca nia budzie, a samo pytańnie navat nie zasłuhoŭvała razhladu. Pra heta paviedamlaje tamtejšy časopis Advocate.
