Prezident Ukrainy Piatro Parašenka daručyŭ zabiaśpiečyć ukrainskich hramadzian na Danbasie i ŭ Krymie mahčymaściu atrymać zamiežnyja pašparty staroha ŭzoru. Pra heta jon paviedamiŭ padčas narady pa padrychtoŭcy da ŭstupleńnia ŭ siłu biaźvizu, jakuju tranślavaŭ telekanał «112 Ukraina».
Fota twitter APU
«Kali abjektyŭna ŭźnikajuć prablemy z vydačaj pašpartoŭ tym, chto na akupavanaj terytoryi abo ŭ Krymie, treba praanalizavać našu narmatyŭnuju bazu i biez pašpartoŭ ich pakidać nielha. Kali ŭ nas niama padstaŭ vydavać im bijamietryčnyja pašparty, terminova, pa ŭzhadnieńni SBU z MZS ŭnieści na razhlad Kabmina pazicyju, što dla hetych hramadzian my možam vydavać pašparty staroha ŭzoru. Hetaje pytańnie pavinna być vyrašanaje», — zajaviŭ Parašenka.
U noč z 11 na 12 červienia nabudzie moc rašeńnie ab biaźvizavym režymie pamiž Ukrainaj i ES.
