Premjer-ministr Vialikabrytanii Tereza Mej źviarnułasia z zajavaj da hramadzian krainy paśla teraktu na «Mančester Arenie». Zvarot Mej tranślavaŭsia ŭ žyvym efiry brytanskaha telebačańnia, a taksama The Guardian.
Mej raspaviała, što praviała ŭsiu ranicu ŭ situacyjnym pakoi brytanskaha ŭrada na pasiadžeńni Kamiteta krainy pa nadzvyčajnych situacyjach (Cabinet Office Briefing Room — COBRA), sumiesna z kiraŭnikami pravaachoŭnych orhanaŭ krainy i palicyi, pracujučy nad vyrašeńniem kryzisu.
Pavodle jaje słoŭ, palicyi ŭdałosia vyličyć asobu terarysta-śmiarotnika i vyśvietlić, što terakt jon ździejśniŭ u adzinočku, adnak da hetaha času zastajecca niezrazumiełym, ci dapamahaŭ niechta jamu z padrychtoŭkaj vybuchu. Imia terarysta pakul nie budzie raskryta ŭ intaresach śledstva, udakładniła jana.
