Pad Hrodnam adkryli ŭnikalnuju muziejnuju ekspazicyju, z ekskursijaj možna naviedać padziemnyja halerei stahadovaha forta, paviedamlaje BIEŁTA.
U Hrodzienskim rajonie dla turystaŭ adkryŭsia samy viadomy - IV fort Hrodzienskaj krepaści, adziny (z 13 fartyfikacyjnych zbudavańniaŭ) poŭnaściu zachavany da našych dzion. Fort pabudavany ŭ 1914 hodzie, a ŭžo ŭ žniŭni-vieraśni 1915 hoda jaho harnizon pryniaŭ na siabie ŭdar hiermanskaj armii.
U siaredzinie forta abstanoŭka maksimalna nabližanaja da tych časoŭ. Niahledziačy na toje, što jon vykarystoŭvaŭsia ŭ jakaści zakansiervavanaha kamandnaha punkta da 1970-ch hadoŭ, dla turystaŭ adnavili atmaśfieru stahadovaj daŭnaści. Na ekskursiju pa 150-mietrovym padziemnym maršrucie naviedvalniki vychodziać u kaskach i z mocnymi lichtarami.
«Adkryćcio novaha abjekta - čarhovy krok u realizacyi kancepcyi muziejefikacyi. Jon, upeŭnieny, budzie pryvabnym jak dla turystaŭ ź Biełarusi, tak i dla inšaziemcaŭ, pakolki fort uvachodzić u terytoryju biaźvizavaj zony», - skazaŭ namieśnik staršyni Hrodzienskaha abłvykankama Viktar Liskovič. Jon padkreśliŭ, što takija abjekty pavyšajuć pryvabnaść rehijona dla zamiežnych turystaŭ. Pravam bieź vizy naviedać Hrodna i navakolnuju miascovaść z kastryčnika 2016 hoda ŭžo skarystalisia bolš za 14,5 tys. inšaziemcaŭ.
Napiaredadni Pieršaj suśvietnaj vajny vakoł Hrodna na adlehłaści amal 10 km było pabudavana 13 fartoŭ. Bolšaść ź ich u čas toj vajny byli ŭzarvanyja.
