Jaŭhien Pałtaržycki, fota svaboda.org
Viečaram 19 maja fihuranta «spravy patryjotaŭ» Jaŭhiena Pałtaržyckaha pieraviali ź SIZA KDB pad chatni aryšt. Pa słovach baćki chłopca, z synam jon mieŭ mahčymaść pahavaryć usiaho chvilin 30, i toj pryncypova admoviŭsia kazać choć niešta, datyčnaje jaho spravy.
Kanstancin Pałtaržycki: «Jon viarnuŭsia zdarovym, psichična zdarovym - ja nie zaŭvažyŭ nijakich źmienaŭ. Ni ŭ pavodzinach, ni ŭ fizičnym zdaroŭi ničoha takoha ja nie zaŭvažyŭ. Adzinaje jon vielmi zamknuty - ničoha nie kaža pa spravie. Vidavočna, što tam byli niejkija patrabavańni, kali jaho pieravodzili na chatni aryšt. Ja ź im havaryŭ, moža, jakich paŭhadziny. I jon pra spravu zusim ničoha nie havaryŭ. Vidać, davaŭ jon padpisku, što ničoha nie budzie kazać».
Pa słovach baćki, 22 maja Jaŭhien iznoŭ budzie sustrakacca sa śledčym.
Jaŭhiena Pałtaržyckaha zatrymali 21 sakavika. Spačatku chłopiec abvinavačvaŭsia va ŭdziele ŭ padrychtoŭcy «masavych biesparadkaŭ», paźniej da hetaha dadałosia stvareńnie «niezakonnaha ŭzbrojenaha farmavańnia». Jaŭhien Pałtaržycki — historyk pavodle adukacyi. U kancy sakavika pa Biełaruskim telebačańni byli pakazanyja kadry apieratyŭnaj zdymki, na jakich jon davaŭ kamientary pra schovanku armatury, nibyta znojdzienaj u lesie śledčymi ŭ spravie «Biełaha lehijona». Pravaabaroncy kažuć, što pa «spravie patryjotaŭ» za kratami zastajecca 16 čałaviek.
