Małady mužčyna zahinuŭ pad kołami chutkaha ciahnika ŭ Pružanskim rajonie, paviedamiŭ BIEŁTA namieśnik načalnika Pružanskaha RAUS Juryj Niemirovič.
Incydent na čyhuncy adbyŭsia 22 maja ŭ 4 hadziny na stancyi Arančycy. U hety čas tut prachodziŭ chutki ciahnik Varšava-Maskva. Sa słoŭ mašynista, pablizu mosta praz čyhunačnyja puci pad sastaŭ niečakana kinuŭsia mužčyna. Mašynist užyŭ ekstrannaje tarmažeńnie, adnak paźbiehnuć najezdu nie ŭdałosia. Mužčyna zahinuŭ na miescy zdareńnia.
Śledča-apieratyŭnaja hrupa vyśvietliła asobu zahinułaha. Im akazaŭsia žychar horada Pružany 1985 hoda naradžeńnia. Pa fakcie pravodzicca pravierka.
0
0
0
0
0
0