Mužčynu, jaki tanuŭ, zaŭvažyli ŭ race Śvisłač u Leninskim rajonie ranicaj 20 maja, paviedamili ahienctvu «Minsk-Naviny» ŭ Śledčym kamitecie Biełarusi.
Čałavieka zaŭvažyŭ minak, jaki dastaŭ jaho z vady i vyklikaŭ chutkuju dapamohu. Adnak niahledziačy na pryniatyja miedycynskimi rabotnikami miery, paciarpieły pamior va ŭstanovie achovy zdaroŭja, kudy byŭ dastaŭleny.
«Upraŭleńniem Śledčaha kamiteta pa horadzie Minsku viadziecca daśledčaja pravierka pa fakcie śmierci mužčyny 1953 hoda naradžeńnia. U dadzieny momant pryznačany šerah ekśpiertnych daśledavańniaŭ, u tym liku sudova-miedycynskaja ekśpiertyza, apytvajucca svajaki pamierłaha, vidavočcy, vyśviatlajucca abstaviny, jakim čynam mužčyna apynuŭsia ŭ vadzie», — adznačyŭ aficyjny pradstaŭnik upraŭleńnia Śledčaha kamiteta Respubliki Biełaruś pa h. Minsku Alaksiej Klimovič.
