Palityčny ahladalnik «Radyjo Svaboda» Vital Cyhankoŭ adkazaŭ na dopis šoŭmena Kanstancina Kavieryna.
«Kali čałaviek piša tekst na temu «počiemu mnie protivien biełorusskij?», dzie tradycyjna narakaje, jakija ŭ jaho byli hadkija nastaŭnicy biełmovy ŭ škole i vykładčyki ŭ instytucie, i tamu jon u svaje 32 hady dahetul nia lubić biełaruskuju movu i nia moža na joj havaryć — to mnie prosta dziŭna, jak chtości moža jašče kuplacca na takuju hniłuju admazku.
Słuchajcie, čamu nichto nia piša ślaźlivyja historyi na temu «ja nikoli ŭ žyćci nie zajmaŭsia sportam, bo ŭ škole byŭ kiepski nastaŭnik fizkultury». Albo — «u škole mianie dakanała matematyca, tamu z taje pary ja nie ŭmieju ličyć».
Z toj ža opiery — «ja nie lublu habrejeŭ, bo voś byŭ u mianie susied habrej, jaki..» i dalej pa tekście. «Maja pieršaja dziaŭčyna mnie admoviła, i z toj pary ja nienavidžu ŭsich žančyn».
Psichična adekvatny darosły čałaviek samastojna niasie adkaznaść za svaje pohlady na žyćcio, nie spasyłajučysia na «ciažkaje dziacinstva» i «niedachop vitaminaŭ». Kali tabie brydkaja biełaruskaja mova, to heta vyklučna tvoj ciapierašni vybar — a nie prošuki tvajoj školnaj nastaŭnicy. Za svoj vybar sam i niasi adkaznaść.
A to nadta prykolna atrymlivajecca. «U mianie ŭ škole byŭ tupy «trudovik», i z taho času ja ŭvohule nienavidžu pracavać»)», — miarkuje Vital Cyhankoŭ.
