U pieršym kvartale vyjavili 16 padrobnych banknot biełaruskich rubloŭ. Bolšaść ź ich - uzoru 2009 hoda, jakija ŭviali ŭ zvarot paśla denaminacyi. Pry hetym čaściej za ŭsio padrablajuć banknoty naminałam u 20 rubloŭ, paviedamlaje Nacbank.
«Usie vyjaŭlenyja padroblenyja biełaruskija rubli byli vyrablenyja bieź imitacyi elemientaŭ abarony», — adznačaje rehulatar.
U studzieni-sakaviku ŭ Biełarusi znajšli adnu padroblenuju banknotu naminałam 50 rubloŭ, 6 banknot ŭ 10 rubloŭ i 7 banknot u 20 rubloŭ. Nahadajem, raniej Śledčy kamitet paprasiŭ biełarusaŭ praviarać kupiury naminałam 20 rubloŭ.
Usiaho ŭ Biełarusi ŭ pieršym kvartale znajšli 269 padroblenych banknot i adnu manietu ŭ 2 jeŭra.
Čaściej za ŭsio ŭ Biełarusi padrablajuć dalary - 43,7%. Dola lipavych rasijskich rubloŭ skłała 37,8%, jeŭra - 12,6%, biełaruskich rubloŭ - 5,9%.
