U chodzie mižnarodnaj vystavy ŭzbrajeńniaŭ Milex-2017 u Minsku biełaruskaja kampanija NPTAA «AKB TSP» pradstaviła kancept zienitna-rakietnaha kompleksu (ZRK) siaredniaj dalokaści. Na adnym šasi pavyšanaj prachodnaści 8ch8 raźmieščanyja transpartna-puskavyja kantejniery zienitnych rakiet i radyjołakacyjnaja stancyja. Takim čynam, paŭtarajecca kancepcyja ZRK «Buk». Bojekamplekt — 6 rakiet viertykalnaha startu.
Pradpryjemstva miarkuje kamplektavać ZRK rakietami ŭłasnaha vyrabu. Pytańnie ab poŭnaj łakalizacyi vytvorčaści nie metazhodnaje praz adsutnaść ŭ Biełarusi naležnaj navukova-techničnaj i pramysłovaj bazy. Adnak, ruchavik i sistema kiravańnia buduć biełaruskaj vytvorčaści.
Prajekt raspracoŭvajecca kampanijaj «AKB TSP» z ułasnaj inicyjatyvy, biez pryciahnieńnia dziaržaŭnaha finansavańnia. Mierkavany termin hatoŭnaści 3—5 hadoŭ.
Asobnyja błoki pierśpiektyŭnaha ZRK ŭžo raspracavanyja, vyrablajucca i prymianiajucca ŭ chodzie madernizacyi ZRK «Buk».
NPTAA «AKB TSP» — inavacyjnaje pradpryjemstva, zasnavanaje ŭ 2002 hodzie. Asnoŭnymi napramkami dziejnaści pradpryjemstva źjaŭlajucca: hłybokaja madernizacyja isnujučych uzoraŭ ŭzbrajeńnia i vajskovaj techniki; praviadzieńnie navukova-techničnych i vajenna-navukovych daśledavańniaŭ; raspracoŭka i sieryjnaja vytvorčaść novych sistem ŭzbrajeńnia i ich elemientaŭ i pryład padvojnaha pryznačeńnia; raspracoŭka i vytvorčaść aparatna-prahramnych srodkaŭ dla sistem kiravańnia vojskami i zbrojaj.
