Tak zavajoŭvaŭ medal Michaił Siamionaŭ.
24‑hadovy miančuk Michaił Siamionaŭ staŭ druhim biełaruskim medalistam na Alimpijadzie ŭ Pekinie. «Bronzu» Michaił zavajavaŭ u hreka‑rymskaj baraćbie ŭ katehoryi da 66 kilahramaŭ.
Uzychodžańnie na pjedestał dla Siamionava nie było lohkim. Barec vyjšaŭ u čverćfinał, dzie prajhraŭ francuzu Styvu Hieno, jaki paźniej stanie alimpijskim čempijonam. Mienavita hetaja akaličnaść dazvoliła biełarusu pazmahacca za bronzavy medal. U roŭnaj baraćbie z supiernikam z Kazachstanu Siamionavu pašancavała bolej pry losavańni.
Adzinaje, što zastavałasia zrabić biełarusu heta nie prapuścić siłavy pryjom u apošnija tryccać sekund. I naš asiłak z hetym spraviŭsia. Jość jašče adzin medal!
U pasłužnym śpisie Michaiła Siamionava da Pekinu nie było pieramoh ni na suśvietnych, ni eŭrapiejskich čempijanatach. Taki voś pryjemny siurpryz atrymaŭsia.
Jašče adzin barec klasyčnaha styli Aleh Michałovič ź Lidčyny byŭ u kroku ad bronzavaha medalu ŭ katehoryi da 74 kilahramaŭ.
Jaho supiernikam u schvatcy za ŭznaharodu byŭ baŭharyn Javar Janakijeŭ. Aleh upeŭniena vyjhraŭ pieršy raŭnd. Šancavała jamu z vyciahvańniem sinich-čyrvonych šyrykaŭ i ŭ dvuch nastupnych raŭndach.
Ale spačatku biełarusu dali papiaredžańnie za pasiŭnuju baraćbu, a ŭ apošnim zaličyli dosyć sprečny siłavy pryjom baŭharyna.
Biasprečna, što naša federacyja jašče padaść skarhu na dziejańnie arbitraŭ u hetym pajadynku.
Z hreka-rymlan Biełaruś budzie pradstaŭlać jašče Siarhiej Arciuchin u vahavaj katehoryi da 120 kilahramaŭ.