Dziaŭčynačka, što śpiavała na adkryćci Alimpijskich hulniaŭ, nasamreč tolki varušyła vusnami. Sapraŭdnuju 9-hadovuju śpiavačku paličyli niedastatkova pryvabnaj. Rašeńnie ab padmienie pryniaŭ partyjny čynoŭnik, adkazny za scenar cyrymonii, paśla hieneralnaha prahonu.
Foty miłaje 9-hadovaje Lin Miaokie ŭ čyrvonaj sukienačcy ablacieli ceły śviet. Lin praśpiavała na cyrymonii «Odu Ajčynie», kali zanosili kitajski ściah. Heta była kulminacyja šykoŭnaje cyrymonii.
Adnak toj vystup byŭ falsyfikacyjaj, pryznaŭsia pradjuser spektaklu. Lin tolki varušyła vusnami, a śpiavała 7-hadovaja Jan Pej — z aniolskim hałaskom, ale, jak na hust kamunistyčnaha kiraŭnictva, zanadta pulchnaja i kryvazubaja.
Rašeńnie ab padmienie pryniaŭ člen palitbiuro Kampartyi Kitaju, adkazny za scenar cyrymonii, paśla hieneralnaha prahonu.
Takaja dyktatura karcinki vyklikali siońnia buru dyskusij na forumach. Ludziej začapiła i toje, što fajerverki na teletranślacyi akazalisia... kamputarnymi efektami. «Heta praŭda, što z pryčyny kiepskaj bačnaści ŭ načy častka pakazu fajerverku była kamputarna zhieneravana. Žyvyja zdymki ich byli b niemahčymyja. My nie mahli pajści na ryzyku i pasłać viertalot nad trasaj salutaŭ», — pryznaŭ u interviju hazecie «Bejdžyn tajms» adzin e ekspertaŭ Alimpijskaha kamitetu.
Kali manipulacyja ź dziaŭčatkami — heta badaj pieražytak starych ujaŭleńniaŭ ab pryhožym, to padmiena žyvoj rečaisnaści kamputarnaj — naviejšy falš. Ale ž... prykra.
