9 žniŭnia kala 11 hadzin na aŭtadarozie Horadnia — Aziory Haradzienskaha rajonu la vioski Tabolskaja Budka mechanizatar, jaki kiravaŭ traktaram «MTZ‑82» na niepaznačanym skryžavańni, padčas pavarotu naleva sutyknuŭsia z aŭtamabilem «Aŭdzi‑100», jaki ruchaŭsia ŭ spadarožnym kirunku j rabiŭ abhon.
Aŭtamabil udaryŭsia ŭ piaredniuju levuju častku traktara, jaki ad udaru razarvała na dźvie častki.
Mašynu niekalki razoŭ krutanuła na darozie. 15‑hadovuju dziaŭčynu, jakaja jechała na piarednim siadzieńni, vykinuła z salonu. Ad atrymanych traŭmaŭ jana pamierła. Kiroŭca, jahonaja žonka, a taksama 20‑hadovaja pasažyrka z traŭmami źmieščanyja ŭ balnicu.