Premjer-ministr Dźmitryj Miadźviedzieŭ baicca za svaju pasadu na fonie źnižeńnia jaho rejtynhaŭ i majučych adbycca viasnoj 2018 hoda prezidenckich vybaraŭ. Pra heta paviedamili ahienctvu Błumbierh krynicy ŭ atačeńni premjer-ministra Rasii i krynicy, blizkija da Kramla.
Pucin, miarkuje Bloomberg, vystavić svaju kandydaturu na čarhovy termin i pieramoha jamu praktyčna harantavana. Adnak na vysokuju jaŭku vybarščykaŭ na vybarach z hetak pradkazalnym vynikam raźličvać nie prychodzicca.
U hetych umovach zamiena premjer-ministra vyhladaje naturalnym krokam, jaki, jak ličać u Bloomberg, dapamoža abnavić urad i pavialičyć cikavaść vybarščykaŭ da vybaraŭ prezidenta.
Dźvie krynicy ahienctva taksama paviedamili, što Pucin byŭ «niepryjemna ździŭleny» maštabam akcyj pratestu suprać karupcyi, jakija prajšli ŭ Rasii paśla taho, jak FBK apublikavaŭ rasśledavańnie ab «tajamničaj impieryi» Miadźviedzieva. U toj ža čas dva inšyja surazmoŭcy ahienctva heta admaŭlajuć.
