Fota z fejsbuka Dzianisa Sadoŭskaha
Deputat, siabra AHP Hanna Kanapackaja pryjechała sa złamanaj nahoj da Maładziečanskaha RUUS, dzie znachodziacca lidar AHP Anatol Labiedźka, sustaršynia BCHD Vital Rymašeŭski, lidar ruchu «Za svabodu» Juraś Hubarevič i aktyvist BCHD Volha Kavalkova, zatrymanyja siońnia paśla akcyi pratestu ŭ Maładziečnie.
Deputatu ŭdałosia prajści ŭ budynak miascovaha RUUS i pahavaryć ź milicejskimi načalnikami.
«Aburalnaje zatrymańnie ludźmi ŭ cyvilnym lidaraŭ biełaruskaj apazicyi ŭ Maładziečnie. Jašče bolš aburalnyja pavodziny rabotnikaŭ MUS», — vykazałasia Kanapackaja na svajoj staroncy ŭ fejsbuku.
Jana patrabuje, kab zatrymanych vyzvalili, pakolki na ich byli składzienyja pratakoły, i patreby ŭ ich znachodžańni ŭ pastarunku ciapier niama.
